हिरास्तमा रामको कुटपिट गरी ज्यान लिने प्रहरीलाई निलम्वन गर्न जसपा नेता वृज किशोर यादवको माग

 सत्येन्द्र प्रताप सिंह,रौतहट ११ भदौ। जनता समाजवादी पार्टीका रौतहट जिल्ला इन्चार्ज एवं मधेश प्रदेश सदस्य वृज किशोर यादवले प्रहरी हिरास्तमा बसबिटि जिंगडियाका विजय राम चमारको मृत्यु भएको खबरले आफनो पार्टी र आफुलाई स्तब्ध बनाएको बताएका छन ।

नेता यादवले आज एक प्रेस विज्ञप्ती जारी गर्दै गरुडा नगरपालिका ८ बसबिटि जिंगडियाका निरन्जनको हत्याको आरोपमा इलाका प्रहरी कार्यालय गरुडाले अनुसन्धानको लागि हिरास्तमा लिएका युवक विजय रामको गएराति भएको दुखद निधनले आफुलाई दुखी बनाएको जनाएको छ ।

हिरास्तमा रहेका चमारको नेशनल मेडिकल कलेज विरगंजमा गएराति १ बजेको समयमा उपचारकै क्रममा मृत्यु भएको थियो ।

गएको साउन ३२ गते गरुडा नगरपालिकाको जिंगडिया स्थित शिवानी आयल स्टोर्स नजिक अज्ञात समुहले सर्च नरसरी फलफुल गरुडामा कार्यरत जिंगडिाका निरन्जन रामको घाटी रेटेर विभत्स हत्या गरेको थियो ।

हत्याको आरोपमा घटनाको भोलीपल्ट गरुडा प्रहरीले मृत्क विजय राम चमार सहित ७ जनालाई पक्राउ गरेको थियो ।

प्रहरी हिरास्तमा रहेका चमारको प्रहरीको निर्घात कुटपिटबाट मृत्यु भएको नेता यादवले विज्ञप्तीमा उल्लेख गरेका हुन ।

हिरास्तमा रहेका बेला प्रहरीले ज्यान लिने गरी निर्घात कुटपिट गरेको र चरम यातना दिएको कारण चमारको मृत्यु भएको विज्ञप्तीमा उल्लेख गरिएको छ ।

घटनाको प्रकृति हेर्दा सर्च नर्सरीका सञ्चालक लखन साह र राजाराम साहलाई बचाउने नियतले अनुसन्धानको बहानामा निज वियय रामलाई प्रहरीले कुटपिट गरेको कारण उनको शरीरको विभिन्न भागमा चोटपटक देखिएको र निलडाम समेत देखिएको जनाइएको छ ।

विज्ञप्तीमा जनता समाजवादी पार्टीका जिल्ला इन्चार्ज वृज किशोर यादवले हिरास्तमा निर्घात कुटपिट गरी विजय रामको ज्यान लिने प्रहरीलाई कार्यवाही स्वरुप निलम्बन गर्न माग गरेका छन ।

हत्या गरिएका निरन्जन राम र प्रहरीको कुटाईबाट मृत्यु भएका विजय राम चमारको परिवारलाई राहत सहितको उचित क्षतिपुर्तिको व्यवस्थ ागर्न तथा विजय रामलाई शहिद घोष्णा गर्न नेता यादवले माग गरेको विज्ञप्तीमा जनाइएको छ ।

रामको हत्यामा संलग्न रहेको आरोपमा पक्राउ परेका निर्दोष व्यक्तिलाई अविलम्ब रिहा गरी फरार रहेका दोषीलाई पक्राउ गरी कार्यवाहीको दायरामा ल्याउन माग गरेको हो ।

रामको निर्ममतापुर्वक हत्या गर्ने वास्तविक हत्यारालाई कार्यवाही गर्न र निर्दोषलाई रिहा गर्न नेता यादवले प्रशासनसँग जोडदार माग गरेको विज्ञप्तीमा उल्लेख गरिएको छ ।

Like
Like Love Haha Wow Sad Angry

Leave a Reply

Your email address will not be published. Required fields are marked *